Wie harn jo denn dritten Mittwoch tofoten, dor hebbt wie uns wedder dropen in de ole Rökerkaat. Stolt kunn wie vertelln, dat wie met 20 Lüüd de Bude fast vull harrn. Brukst keen Angst hem, dor is immer noch een Platz free, de bi uns mol rinkieken wüll.
Antje, Ellen, Willi un Werner wärn ton ersten Mol dorbie, hebbt sick vorstellt un een beten ut eern Leven vertellt. Frogst, hett die dat fulln, hörst spontan: „Jo, ick kumm nächstes Mol wedder!“ Sei hebbt markt, dat mokt nix ut, dat givt immer een de beter Platt snacken kann as du sölmst. Speelt keen Rull, wie wüllt unsern Spoß hemm und lot jeden snacken so got as hej kann. Fröher hebbt all Platt snackt, een Sproke, de in de „Europäische Charta“ as sölvständige Sproke indrogen is un toon Welkulturerbe tellt.
Apropo Spoß hemm, ick heff all mien Mod tosom nomen und versöcht, up Platt to schrieven. Junge noch mol, mang dat Snacken un Schrieven is over een Ünnerschied. Dat markst erst, wenn du die dorto hinsetten deist un dat versökst. Mokt nix, inne School kümmt dat jo toerst up denn Inhalt un nich up dat richtige Schrieven an. Wer dat beter kann as ick, kann dat jo korriegeern. Dann hett he wat to doon un kann mie dat verklüsern. Schriev wie du snackst, so heff ik dat mokt. Jümmas geern bereit wat dorto to leern.
Bit toon nächsten Mol, hol die fuchtig un bliev gesund!
Euer Claus Clausen
0 Kommentare:
Kommentar veröffentlichen